प्रहरीले गाँजासहित एकजना पक्राउ
वीरगञ्ज । लागुऔषध गाँजासहित एकजनालाई बारा प्रहरीले पक्राउ गरेको छ।
प्रहरीले गाँजासहित बाराको पचरौता नगरपालिका वडा नम्बर ७ बेनौलीबाट कृष्ण साह कलवारलाई पक्राउ गरेको हो। प्रहरी चौकी पिपरपाति बाराबाट खटिएको प्रहरी टोलीले कलवारलाई ५ किलो गाँजासहित पक्राउ गरेको हो।
पक्राउ परेका कलवारलाई लागुऔषध सम्बन्धी मुद्दामा जिल्ला अदालत बाराबाट पाँच दिनको म्याद थप गरी अनुसन्धान भइरहेको जिल्ला प्रहरी कार्यालय बाराले जनाएको छ।
