बोष्टनमा दशैं तिहार उत्सव -२०७६ भब्यताका साथ सम्पन्न
बोष्टन । नेपालीहरुकाे महान चाड दशैं र तिहारकाे शुभ अवसर पारेर आयाेजना गरिएकाे दशैं तिहार उत्सव -२०७६ भब्यताका साथ सम्पन्न भएकाे छ । अमेरिकाकाे म्यासाच्युसेट्स राज्यकाे बाेस्टन स्थित नेपाली समुदायकाे संस्था ग्रेटर बाेस्टन नेपाली कम्युनिटी (जिबिएनसी)द्वारा आयाेजित उक्त कार्यक्रम गत अक्टाेबर २६ का दिन विविध कार्यक्रम गरी सम्पन्न गरिएकाे हाे ।नेपाली राष्ट्रिय गान “सयाैं थुंगा फुलका हामी, एउटैमाला नेपाली ” र अमेरिकाकाे राष्ट्रिय गान गाएर शुभारम्भ गरिएकाे कार्यक्रममा शुभकामना आदान प्रदान गरिनुका साथै द्येउसी भैलाे समेत खेलिएकाे थियाे ।
साेमरभिल सहर(Somerville City )का मेयर जाेसेफ कर्टाटाेन(Joseph Curtatone)काे प्रमुख आतिथ्यता रहेकाे कार्यक्रमलाई कलाकारहरु र डिजेले मनाेरञ्जनात्मक साँगितिक माहाेललाई उत्कर्षमा पुर्याएका थिए।कार्यक्रममा आफ्नाे शुभकामना मन्तब्य ब्यक्त गर्दै मेयर कर्टाटाेन(Curtatone)ले राष्ट्रपति डाेनाल्ड ट्रम्प आप्रवासी प्रति अनुदार देखिएकाे भएता पनि आफुहरु भने सकारात्मक नै रहेकाे जिकिर गर्नु भयाे । नेपाली चाड, पर्व,धर्म,संस्कृति,रितिरिवाज, कला,भेषभुषा आदिकाे संरक्षण तथा सम्बर्धन गर्ने मुख्य उद्देश्यका साथ उक्त कार्यक्रमको आयोजना गरिएकाे संस्थाका अध्यक्ष अर्जुन जंग कुँवरले बताउनु भयाे ।
कार्यक्रम भब्यताका साथ सम्पन्न भएकाे प्रति खुसी ब्यक्त गर्दै अध्यक्ष कुँवरले प्रतक्ष्य अप्रतक्ष्य रुपमा सहयाेगी भुमिका निर्वाह गर्नु हुने सबै प्रति आभार प्रकट गर्दै धन्यवाद ब्यक्त गर्नु भयाे । “हामी अत्यन्तै खुसी छाै । यसले हामीलाई थप उर्जा दिनुका साथै भावी दिनमा अझ जिम्मेवार भएर क्रियाशिल हुन उत्प्रेरित गरेकाे छ”अध्यक्ष कुँवरले भन्नु भयाे । संस्थाका सचिव परशुराम फुयालद्वारा सञ्चालित तथा कुँवरकाे अध्यक्षता रहेकाे कार्यक्रममा बिषेश अतिथि बुद्धिनारायण श्रेष्ठले बिषेश मनतब्य दिनु भएकाे थियाे ।
प्रति टिकट २५ डलर शुल्क रहेकाे गीत संगीतमय उक्त मनाेरञ्जनात्मक कार्यक्रममा नेपाली स्वादिष्ट परिकारहरुकाे समेत ब्यवस्था गरिएकाे थियाे । सन् १९९८ काे दशैंकै अवसरमा भएकाे नेपालीहरुकाे भेलाले जन्माएकाे यस संस्थाले हरेक बर्ष दशैं तिहारकाे अवसर पारेर गर्दै आएकाे यस प्रकारकाे कार्यक्रमलाई यस बर्ष अझै परिस्कृत ,बृहत र परिणाममुखी बनाउन सफल भएकाे संस्थाका माहासचिव राज थापाले बताउनु भयो ।
भावी दिनमा अझ धेरैलाई समेटेर कार्यक्रम थप प्रभावकारी बनाउन संस्था प्रतिबद्ध भएर लाग्ने बताउदै महासचिव थापाले भावि दिनमा पनि सबैबाट महत्वपूर्ण सल्लाह सुझाब सहित आ-आफ्नाे ठाँऊबाट सक्दाे सहयाेग पुर्याउनु हुन सबैलाई आग्रह समेत गर्नु भयाे । झण्डै तिस हजार नेपालीहरुकाे बसाेबास रहेकाे यस राज्यमा नेपाली समुदायका बिच संस्थाले संस्थाकाे उद्देश्य अनुसार बेला बखत विभिन्न क्रियाकलापहरु गर्दै आइरहेकाे छ ।यद्यपि नेपालीहरुकाे ठुला हिस्सा संस्थामा आबद्ध हुन बाँकी नै रहेकाले सबैलाई समेट्न सबैले संयुक्त पहलकदमी गर्नु पर्ने जरुरी देखिन्छ ।
