मउवा संघको कार्यकारी सचिवमा पवन कार्की नियुक्त
हेटाैँडा । मकवानपुर उद्याेग वाणिज्य संघकाे कार्यकारी सचिव पदमा पवन कार्की नियुक्त भएका छन् ।
संघकाे पदपूर्ती समितिको मुल्याङ्कन र आश्विन २७ गते बसेको कार्यसमिति वैठकको निर्णयबाट कार्कीलाइ कार्यकारी सचिव पदमा पदोन्नती गर्ने निर्णय गरिएकाे हो ।
संघमा २०६८ आषाढ १ गतेबाट कार्यक्रम तथा लेखा अधिकृत पदमा नियुक्त कार्की २०७६ श्रावण १ गतेबाट संघको कर्मचारी नियमावली अुनसार स्थायीरुपमा नियुक्त भएका थिए ।
सो पश्चात कार्की हालसम्म संघको लेखा अधिकृत पदमा कार्यरत थिए ।
कार्कीले २०७६ जेष्ठ १६ गतेदेखि नै संघको कायम मुकायम कार्यकारी सचिवकोरुपमा कार्यभार सम्हाल्दै आएका थिए ।
संघले सहभागि गराएको जेसीज, नेपाल उद्योग वाणिज्य महासंघ, काठमाडौंको व्यवस्थापकीय तालिमहरुलगायत विभिन्न अन्तरक्रियाहरुमा संघको तर्फबाट कार्कीले प्रतिनिधित्व गरेका थिए ।
उद्योग वाणिज्य संघहरुमा कार्यकारी सचिव पद नेपालभरी नै कार्यालय प्रमुखकोरुपमा रहेको छ । कार्की पछिल्लाे समयमा जिल्लाका सन्चारकर्मीहरु माझ सरल जीवन शैली भएका मिडिया मैत्रीकाे रुपमा परिचित छन् ।
कार्कीलाइ संघका अध्यक्ष कृष्ण कटुवाल, महासचिव प्रमाेद सिं रानाभाट लगायतले बधाइ तथा सफल कार्यकालकाे शुभकामना दिएका थिए ।