प्रेस युनियन मकवानपुर शाखाकाे शुभकामना आदानप्रदान
हेटाैँडा । विजयादशमीको पूर्व सन्ध्यामा नेपाल प्रेस युनियन मकवानपुर शाखाले शुभकामना आदानप्रदान कार्यक्रम गरेको छ । पार्टीका कार्यबहाक सभापति विष्णुप्रसाद लामिछानेको प्रमुख अतिथ्यतामा भएको शुभकामना आदानप्रदान कार्यक्रममा मकवानपुरका सञ्चारकर्मीहरुको उपस्थिती रहेको थियो ।
कार्यक्रममा पार्टीका निवर्तमान सभापति रघुरमण न्यौपाने, सल्लाहकार माइकल रामचन्द्र अर्याल, सचिव बुद्ध लामा, कोषाध्यक्ष गोपीलाल विश्वकर्मा, नगर सभापति आनन्दराम पराजुली लगायत जिल्लामा कार्यरत सञ्चारकर्मीहरुको उपस्थिती रहेको थियो ।
कार्यक्रम युनियनका अध्यक्ष कुमार अधिकारी पोष्ठराजको अध्यक्षतामा भएको थियो ।