सरकारले गरेका राम्रा कामकाे प्रचार गर्न मुख्यमन्त्री पाैडेलकाे पत्रकारलाई आग्रह
हेटाैँडा । प्रदेश नम्बर ३ का मुख्यमन्त्री डोरमणि पौडेलले मकवानपुरका पत्रकारहरुसँग आफ्नाे कार्यालयमा मंगलवार दशैंको शुभकामना आदानप्रदान कार्यक्रम आयोजना गर्नुभएको छ ।
पत्रकारहरुसँगको शुभकामना आदान प्रदान कार्यक्रममा मुख्यमन्त्री पौडेलले सरकारले गरेका राम्रा कामलाई प्रचारप्रसारमा पत्रकारको भूमिका महत्वपूर्ण हुने भएकाले सरकारका राम्रा कामका बारेमा जनतामाझ पुर्याउन आग्रह गर्नुभयो ।
सकारात्मक साेच राखेर आफ्नाे कलम चलाउन मुख्यमन्त्री पाैडेलले आग्रह गर्दै सरकारलाई गाली गर्ने र नकरात्मक कुरा गर्ने प्रवृति रोक्नमा पत्रकारको महत्वपुर्ण भुमिका हुने बताउनुभयो । प्रदेश सरकारले जनताले अनुभुति पाउने खालको काम गरेको भन्दै सरकारका राम्रा कामको प्रचार प्रुसार गरेर सकारात्मक संदेश दिन आग्रह गर्नुभयो ।
कार्यक्रममा प्रदेश ३ का प्रमुख मुख्य सचिव तोयम रायलगायत मकवानपुरका विभिन्न संचार माध्यममा आवद्ध पत्रकारहरुको सहभागिता रहेकाे थियो ।
