चरेस सहित २४ वर्षिया युवती पक्राउ
हेटौँडा । मकवानपुर प्रहरीले चरेससहित वसमा यात्रा गरिरहेकी एक युवतिलाई पक्राउ गरेको छ । पक्राउ पर्नेमा पर्साको पटेर्वा सुगौली नगरपालिका वडा नम्बर १ की २४ बर्षीया गिता राई रहेकी छिन् ।
जिल्ला प्रहरी कार्यालय, मकवानपुरका प्रहरी निरीक्षक पवनकुमार झाको टोलीले हेटौँडा–१० बसपार्कमा काठमाडौंबाट धरान जाँदै गरेको बा४ख ८०६० नम्बरको यात्रुवाहक बसमा चेकजाँच गर्दा उक्त बसमा सवार राईको साथबाट ८ किलो १ सय ६० ग्राम लागुऔषध चरेस बरामद गरिएकाे मकवानपुरका प्रहरी उपरीक्षक मुकेशकुमार सिंहले पत्रकार सम्मेलनमा जानकारी दिए ।
त्यसैगरी मकवानपुर प्रहरीले चाेरीकाे माेटरसाइकल सहित एक युवालाई पक्राउ गरेकाे छ ।
प्रहरीले भक्तपुरकाे थिमीबाट हेन्डिल लक फुटाई चोरेर ल्याउँदै गरेको अवस्थामा लु ५४ प ६०९८ नम्बरको पल्सर मोटरसाइकलसहित रौतहट जिल्ला चन्द्रपुर नगरपालिका वडा नम्बर ८ का १८ बर्षीय अविनाश चौधरीलाई पक्राउ गरेको छ ।
