पत्रकारको दक्षता अभिवृद्धिको लागि प्रेस युनियनकाे प्रशिक्षण
हेटौंडा । पत्रकारको सीप तथा दक्षता अभिवृद्धिको लागि नेपाल प्रेस युनियन मकवानपुरले प्रशिक्षण कार्यक्रम सञ्चालन गर्ने भएको छ ।
युनियनको आइतबार बसेको नियमित मासिक बैठकले मकवानपुरका विभिन्न सञ्चार माध्यममा कार्यरत पत्रकारलाई सहभागी गराई वृहत प्रशिक्षण कार्यक्रम गर्ने निर्णय गरेको हो ।
प्रशिक्षण कार्यक्रमको लागि यथाशीघ्र मिति, समय र स्थान तोकी कार्यक्रम गर्नको लागि युनियनका उपाध्यक्ष एवम् प्रशिक्षण विभाग संयोजक मणिराज गौतमको संयोजकत्वमा समितिसमेत गठन गरिएको छ । समितिको सदस्यहरुमा युनियनका कोषाध्यक्ष विजय पौडेल, कार्यसमिति सदस्य ईन्द्रप्रसाद बन्जरा ‘रमेश’, मनोज देवकोटा र मनिषा बस्नेतलाई तोकिएको छ ।
यसैगरी युनियनले शुभ विजयादशमी एवम् तथा दीपावलीको अवसरमा असोज १७ गते बिहान शुभकामना आदानप्रदान तथा चियापान कार्यक्रमको समेत आयोजना गर्ने निर्णय गरिएको युनियन मकवानपुरका सचिव केशव समर्पणले जानकारी दिए ।
