गाेरखामा समाजवादी पार्टीकाे अगुवा कार्यकर्ता प्रशिक्षण सम्पन्न
गाेरखा। समाजवादी पार्टीले गाेरखामा अगुवा कार्यकर्ता प्रशिक्षण सम्पन्न गरेकाे छ ।
संगठन निर्माणलाई तिब्रता दिने क्रममा अगुवा कार्यकर्ताहरुका लागि प्रशिक्षण कार्यक्रम गरेको समाजवादी पार्टी गाेरखाले जनाएकाे छ ।
अगुवा कार्यकर्तालाई समाजवादी पार्टीका केन्द्रिय महासचिव गंगानारायण श्रेष्ठ, उपमहासचिव डम्वर खतिवडा र सचिव प्रमुख प्रशान्त सिंहले पार्टीको नीति तथा सिद्धान्त, संघीयता र समावेशीता लगायतका विषयमा प्रशिक्षित गराएकाे पार्टीका जिल्ला नेता सन्जित दुवाडीले जानकारी दिएका छन् ।
समाजवादी पार्टी गाेरखाका जिल्ला अध्यक्ष नारायण खत्रीको अध्यक्षतामा भएको कार्यक्रममा पार्टीका जिल्ला स्थित केन्द्रिय सदस्यहरु, प्रदेश सदस्य, जिल्ला सदस्य र नगरापालिका तथा गाउँपालिका तहका पदाधिकारीहरुको सहभागिता रहेको दुवाडीले जानकारी दिए ।
