नेपाल जेसीजको क्षेत्र ‘ख’ सम्मेलन हेटाैँडामा हुने
हेटाैँडा। बस्तीपुर जेसिज हेटाैँडा मकवानपुरको आयोजनामा हेटौँडामा नेपाल जेसीजको क्षेत्र ‘ख’ सम्मेलन हुने भएको छ ।
भदौ ६ र ७ गते कार्यक्रम हुने कार्यक्रमका निर्देशक तथा बस्तीपुर जेसिजका संस्थापक अध्यक्ष गणेश प्रसाद भेटवालले आज हेटौंडामा पत्रकार सम्मेलन आयोजना गरि कार्यक्रमबारे जानकारी दिइएको हाे ।
कार्यक्रमको तयारी करिब ९५ प्रतिशत पूरा भइसकेको समेत निर्देशक भेटवालले जानकारी दिए । सम्मेलनमा क्षेत्र ‘ख’ का ३२ वटा शाखाका ५ सय युवासहित नेपाल जेसीज र अन्य शाखाका गरी कम्तिमा ८ सय युवाहरु सम्मेलनमा सहभागिता रहने बताइएकाे छ ।
सम्मेलनमा करिब ५० लाख खर्च हुने अनुमान गरिएको बस्तीपुर जेसिजका अध्यक्ष सुनिल अधिकारीले जानकारी दिए ।
