अवैध रुपमा वालुवा ढुवानी गर्ने २ ट्याक्टर प्रहरी नियन्त्रणमा
हेटौँडा । अबैध रुपमा नदिजन्य पदार्थ ढुवानी गर्ने २ वटा ट्याक्टर मकवानपुर प्रहरीले नियन्त्रणमा लिएको छ ।
नदिजन्य पदार्थकाे उत्खननमा राेक लगाएकाे समयमा बुधबार ना.५ त ४०१५ नं. को ट्याक्टर र विहीबार ना.५ त ६९०७ नं.को ट्रयाक्टरलाई अबैध रुपमा नदिजन्य पदार्थ (बालुवा) लोड गरेकाे पाइएकाेले नियन्त्रणमा लिइएकाे जिल्ला समन्वय समितिको कार्यालय मकवानपुरमा पठाएको जिल्ला प्रहरी कार्यालय मकवानपुरका प्रहरी निरिक्षक पवन कुमार झाले जानकारी दिए ।
हेटौँडा उपमहानगरपालिका वडा नम्बर ११ ढाट नजिकैकाे राप्तिखोलाबाट नदिजन्य पदार्थ ल्याउँदै गरेको अवस्थामा प्रहरीले उक्त २ वटा ट्याक्टर नियन्त्रणमा लिएर आवश्यक कारबाहीको लागि जिल्ला समन्वय समितिको कार्यालय मकवानपुरमा पठाएको प्रहरी निरिक्षक झाले जानकारी दिए ।
ट्याक्टर चालक फरार भएकाे प्रहरीले जनाएकाे छ ।
