नेकपाको स्कूल विभाग प्रमुखमा ईश्वर, प्रचारमा नारायणकाजी, अरु काे काे के के ?
काठमाडौं । लामो समयको रस्साकस्सीपछि अन्ततः नेकपाको स्कूल विभाग प्रमुखमा ईश्वर पोखरेल सर्वसम्मत भएका छन् ।
शुक्रबार बसेको प्रमुख सत्तारुढ नेपाल कम्युनिष्ट पार्टी (नेकपा)को सचिवालय बैठकले स्कूलसहित ३३ वटै विभाग टुंगो लगाएको हो । विवादित स्कुल विभागमा ईश्वर पोखरेल प्रमुख रहने निर्णय भएको सचिवालय सदस्य झलनाथ खनालले जानकारी दिए ।
बैठकले सचिवालय सदस्य वामदेव गौतमलाई नेकपाको उपाध्यक्ष बनाउने निर्णय गरेको छ भने प्रचार विभागको जिम्मा प्रवक्ता नारायणकाजी श्रेष्ठलाई दिएको छ ।
बैठकले नेकपाले संगठन विभाग प्रमुखको जिम्मेवारी बामदेव गौतमलाई दिने निर्णय गरेको छ । विदेश विभाग प्रमुखमा माधवकुमार नेपाल, नीति तथा प्रतिष्ठानमा झलनाथ खनाल, प्रचारमा नारायणकाजी श्रेष्ठ र अर्थ विभागको प्रमुखमा सुरेन्द्र पाण्डेको नाम टुंगो लगाएको छ ।
