हेटौंडाकाे नेवारपानीमा बस पल्टियाे १ काे मृत्यू, १५ घाइते
हेटौंडा । हेटौंडा उपमहानगरपालिका वडानम्बर १९ नेवारपानीमा यात्रुवाहक बस दुर्घटना हुँदा एक जनाको ज्यान गएकाे छ र १५ जना घाईते समेत भएका छन् । आज बिहान साढे २ बजे तिर काठमाण्डौबाट रौतहट तर्फ गैरहेकाे ना ५ ख २२३३ नम्बरको यात्रुबाहक बस हेटाैँडा नारायणगढ सडक खण्ड अन्तर्गत नेवारपानीमा अनियन्त्रित भएर पल्टँदा एक जनाको मृत्यु भएको जिल्ला प्रहरी कार्यालय मकवानपुर प्रहरी प्रमुख एसपी मुकेश कुमार सिंहले जानकारी दिनुभयाे ।
हेटाैँडा १९ नेवारपानीमा बस पल्टिएर बिजुलीको पोलमा ठोकिदा एक जनाकाे ज्यान गएकाे प्रहरीले बताएकाे छ । दुर्घटनामा मृत्यु हुनेमा सर्लाही जिल्ला रामनगर बोरहवा गाउँपालिका वडा नम्बर ५ बस्ने ५८ बर्षिय मुकेश शर्मा रहेको एसपी सिंहले जानकारी दिनुभयो ।
घाईतेहरु मध्ये ४ जनाको भरतपुर अस्पतालमा, ३ जनाको हेटौंडास्थित चुरेहिल अस्पतालमा उपचार भैरहेकाे एसपी सिंहले जानकारी दिनुभयाे । घाइते भएका मध्ये अन्य ८ जना सामान्य उपचारपछी घर फर्किसकेकाे प्रहरीले जनाएको छ ।