५९ किलो गाँजासहित मकवानपुरका २ जनालाई पक्राउ
हेटाैँडा । मकवानपुर प्रहरीले लागुऔषध गाँजासहित २ जनालाई पक्राउ गरेको सार्वजनिक गरेकाे छ ।
प्रहरी निरीक्षक पवन कुमार झाको टोलीले हेटौंडा १० बसपार्क सडक खण्डबाट ५९ किलो ५ सय ८० ग्राम लागुऔषध गाँजासहित २ जनालाई पक्राउ गरेको बताएकाे छ ।
बा ५ ख १८२५ नम्बरको मिनिट्रक चेक जाँच गर्ने क्रममा मकवानपुर कैलाश गाउँपालिका बस्ने चालक २० वर्षीय भिमसेन मोक्तान र ट्रकमा सवार सोही स्थानका २६ वर्षीय रोशन लामालाई गाँजासहित प्रहरीले पक्राउ गरेको पत्रकार सम्मेलन मार्फत जानकारी गराएकाे हो ।
निजहरुले पुरानै तस्करकाे शैली अनुसार ट्रकको सिटमुनी फल्स बटम बनाएर लागुऔषध गाँजा लुकाएर राखेकाे अवस्थामा फेला पारेकाे हाे ।
पक्राउ परेका २ जना र मिनी ट्रकलाई नियन्त्रणमा लिई थप अनुसन्धान गरिरहेकाे जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंहले जानकारी दिनुभयाे ।
