प्रम ओली उपचार गरेर फर्कन ढिला भएकाेले नेकपाको बैठक सर्यो
काठमाडाैं । सत्तारूढ दल नेपाल कम्युनिस्ट पार्टी (नेकपा)को मंगलबार डाकिएको सचिवालय बैठक सरेको छ । पार्टी अध्यक्ष तथा प्रधानमन्त्री केपी शर्मा ओली सिंगापुरबाट उपचार गरेर फर्किन ढिलाइ भएकाले बैठक बुधबारका लागि सरेको हो ।
प्रधानमन्त्री तथा पार्टी अध्यक्ष ओलीको स्वदेश आगमन एकदिन सरेकाले बैठक पनि सरेको पार्टी प्रवक्ता नारायणकाजी श्रेष्ठले जानकारी दिए । बैठकका लागि शीर्ष नेताको गृहकार्य प्रभावित भएपछि मंगलबारका लागि बोलाइएको बैठक सारिएको उनले बताए ।
नेकपाको सचिवालयको बैठक बुधबार दिउँसो ३ बजे प्रधानमन्त्री कार्यालय बालुवाटारमा बस्ने प्रवक्ता श्रेष्ठले जानकारी दिए ।
