नेकपाका नेता तथा बौद्धिक व्यक्ति समाजवादी पार्टीमा प्रवेश
काठमाडौं । नेपाल कम्युनिष्ट पार्टी (नेकपा) जाजरकोटका नेता भोजबहादुर भण्डारी र बौद्धिक समूह नेपालका केन्द्रीय उपाध्यक्ष बेलबहादुर राना समाजवादी पार्टीमा प्रवेश गरेका छन् ।
आइतबार समाजवादी पार्टीको संसदीय दलको कार्यालयमा अध्यक्ष डा.बाबुराम भट्टराईले नेताद्वयलाई समाजवादी पार्टीमा स्वागत गरे । दाङ तुलसीपुरका राना हाल काठमाडौंमा प्राध्यापन गरिरहेका छन् ।
डा. भट्टराईले पछिल्लो समय समाजवादी पार्टीमा प्रवेशको लहर सुरु भएको भन्दै संघीयता, सुशासन, समृद्धि र समाजवादको महाअभियानमा लामवद्ध हुन आह्वान गरे ।
