एक बसले अरु तीनवटा बसलाई ठक्कर दिँदा १६ जना घाइते
काठमाडौँ । भक्तपुरको मध्यपुर ठिमीमा एउटा बसले अरु तीनवटा बसलाई ठक्कर दिँदा १६ जना घाइते भएका छन् ।
काठमाडौँबाट सिन्धुलीतर्फ गइरहेको बा ४ ख ५७९४ नम्बरको बस अनियन्त्रित भएपछि सोही दिशातर्फ गइरहेका अरु तीन वटा बसलाई ठक्कर दिँदा १६ जना घाइते भएका प्रहरीले जनाएको छ ।
बा ४ ख ५७९४ नम्बरको बसले बा ५ ख ४०२९, बा ३ ख ७०९३, र ना ६ ख ७१८५ नम्बरको बसलाई ठक्कर दिएको महानगरीय प्रहरी परिसर भक्तपुरका प्रहरी उपरीक्षक सविन प्रधानले जानकारी दिए ।
दुर्घटनामा परेका सबै बसलाई प्रहरीले नियन्त्रणमा लिएको छ ।
घाइते मध्ये १३ जनाको नागरिक अस्पताल र तीन जनाको मध्यपुर ठिमी अस्पतालमा उपचार भइरहको छ ।
