चुरियामाई दुर्घटनामा मृत्यु भएकाकाे सनाखत भयाे, घाइते काे काे थिए ?
हेटौंडा । मंगलबार दिउँसो हेटौंडा उपमहानगरपालिक वार्ड नम्बर १५ चुरियामाई नजिक कन्टेनरले थिचेर ज्यान गएका अर्काे एक जनाकाे पनि सनाखत भएकाे छ ।
मुत्यु हुनेमा सिराहा जिल्ला सुखिपुर नगरपालिका वार्ड नम्बर ८ बस्ने १९ बर्षीय राजेश कुमार पण्डित रहेको जिल्ला प्रहरी कार्यालय मकवानपुरका प्रहरी निरीक्षक अनिष बुढाथोकीले जानकारी दिए । उक्त दुर्घटनामा अटो चालक स्थायी ठेगाना हेटौँडा–३ बसामाडि भई हेटौँडा–९ सिमेन्टरोड बस्ने ३२ बर्षीय सुजन ढकालको मुत्यु भएको थियो।
उक्त दुर्घटनामा परी ९ जना घाइते भएका थिए। घाइते हुने एक जना हेटौंडा–४ का ४७ बर्षीय नवराज तिमल्सिनालाइ थप उपचारका लागि चितवन रेफर गरिएको प्रहरीले जनाएकाे छ ।
अन्य घाइतेमा बाराको कलैया उपमहानगरपालिका वडा नम्बर २० घर भई इलाका प्रहरी कार्यालय पशुपतिनगरका प्रहरी हवल्दार ३३ बर्षीय मुर्तुजा देवान, चितवनको राप्ति नगरपालिका वडा नम्बर ७ का २१ बर्षीय आक्रोश चौधरी, बाराको कलैया उपमहानगरपालिका वडा नम्बर २० का ४८ बर्षीय माेहमद आरुन अन्सारी, बुनियाद गाउँपालिका वडा नम्बर ७ का ३५ बर्षीय अमरुद्दिन हुवारी उपचारपछि डिस्चार्ज भएका थिए।
त्यस्तै, मकवानपुरको मनहरी गाउँपालिका वडा नम्बर ७ विजौनाका ३८ बर्षीय कमल मोक्तान, ५५ बर्षीय सिताराम थिङ, सुनसरीको इटहरी नगरपालिका वडा नम्बर १३ का २२ बर्षीया एन्जिला मगर र पर्साको पर्सागढीका ५१ बर्षीय बुद्धिराम महतो उपचारपछि डिस्चार्ज भएको जिल्ला प्रहरी कार्यालय मकवानपुरले जनाएको छ ।
