घरमा लुकाएकाे गाँजा सहित घरधनि अन्जन समातिए
हेटौंडा । मकवानपुर प्रहरीले ४० केजी गाँजा सहित एकजनालाई पक्राउ गरेको छ ।
पक्राउ पर्नेमा मकवानपुर जिल्ला राक्सिराङ गाउँपालिका वार्ड नं २ बस्ने बर्ष ४३ को अन्जन शाह रहेको जिल्ला प्रहरी कार्यालय मकवानपुरले बताएको छ ।
ईलाका प्रहरी कार्यालय मनहरी मकवानपुरबाट प्रहरी निरीक्षक बिरेन्द्र पनेरुको कमाण्डमा खटिएको टोलिले राक्सिराङ गाउँपालिका वडा नं. २ कालिधाप बस्ने अन्जन शाहको घरमा खानतलासी गरेको थियो ।
खानतलासिको क्रममा घरको माथिपट्टी चोटामा प्लास्टिकको २ वटा बोरामा लुकाई छिपाई राखेको अवस्थामा लागु औषध गाँजा ४० केजी फेला परेको हुँदा निज घर धनि साहलाई पक्राउ गरिएको प्रहरी नायब उपरिक्षक यज्ञ प्रसाद भट्टराईले जानकारी दिनुभयो ।
निजलाई लागू औषध नियन्त्रण ऐन, २०३३ बमोजिम दण्ड सजाय २ वर्ष देखि १० वर्ष सम्म कैद र १ लाख देखि २० लाख रुपैयासम्म जरिवाना हुन सक्ने प्रवक्ता भट्टराईले जानकारी दिनुभयो ।
