प्रहरीलाई गाेली ठाेक्ने मकवानपुरका गाँजा तस्कर पक्राउ
साउन ५, हेटौँडा । गाँजा तस्करी गरिरहेका एक व्यक्तिलाई प्रहरीले रोक्न खोज्दा प्रहरीमाथि गोलि चलाएको छ । प्रहरी माथि गोलि चलाउने मकवानपुर जिल्ला राक्सिराङ गाउँपालिका वडा नंबर १ ढुङ्गेन बस्ने ४३ वर्षीय कुमार स्याङतान भनिने राजु स्याङतानलाई प्रहरीले पक्राउ गरेको छ ।
स्याङतानलाई मनहरी गाउँपालिका वडा नंबर ९ रजैया राप्ती खोलाबाट कटुवा पेस्तोल १ नाल, सो पेस्तोलमा लाग्ने गोलीको खोका १ राउण्ड, गोली ५ राउण्ड र ३१ किलो ४ सय ग्राम लागूऔषध गाँजा पक्राउ गरेको प्रहरीेले जनाएको छ ।
जिल्ला प्रहरी कार्यालय मकवानपुरका प्रहरी निरीक्षक अनिश बुढाथोकीको कमाण्डमा खटिएको ११ जनाको प्रहरी टोलीले नीज स्याङतान सहित गाँजा लैजाँदै गरेको ४/५ जनाको समूहमध्ये स्याङतानले कटुवा पेस्तोलबाट १ राउण्ड फायर गरेकोले प्रहरीले समेत जवाफी फायर गरी स्याङतानलाई पक्राउ गरेको जिल्ला प्रहरी कार्यलय मकवानपुरले जनाएको छ ।
पक्राउ परेका स्याङतानलाई ३ वटा मुद्दा चलाईने प्रहरी उपरिक्षक मुकेश कुमार सिंहले जानकारी दिनुभयो
