गाँजा तस्कर र प्रहरी बीच मकवानपुरमा गाेली हानाहान
हेटाैँडा । मकवानपुरको मनहरी गाउँपालिका वडा नम्बर ९ रजैयाकाे राप्तिखोला बगरमा प्रहरी र गाँजा तस्करबीच दाेहाेराे फायरिङ भएको छ । शनिबार राति गाँजा बोकेको ५–६ जनाको हतियारधारी समूह र प्रहरीबीच दाेहाेराे गाेली हानाहान भएकाे स्रोतले जनाएको छ ।
जिल्ला प्रहरी कार्यालय मकवानपुरबाट खटिएको टोलीलाई देखेपछि गाँजा तस्करको समूहले फायरिङ शुरु गरेको थियो । प्रहरीबाट पनि जवाफी फायरिङ भएपनि दुबैतर्फ कुनै क्षति नभएको जनाईएको छ ।
फायरिङपछि प्रहरीले हतियारसहित एकजनालाई पक्राउ गरेको छ भने अन्य भागेका छन् । तर प्रहरीले घटना सार्वजनिक गरेको छैन ।
जिल्ला प्रहरी कार्यालय मकवानपुरका प्रहरी उपरिक्षक मुकेश कुमार सिंहले घटनाबारे दिउँसाे पत्रकार सम्मेलन गरेर जानकारी गर्ने बताए ।
