टिकटकमा अनावश्यक भिडियाे पाेष्ट गर्दा अभिनेता गिरफ्तार
काठमाडौं । पछिल्लो समय टिकटक बन्द गर्नुपर्ने आवाज उठेको छ ।
केही समय पहिले पब्जी गेम बन्द गरेपछि ठुलो चर्चा भएको थियो । यो बीचमा टिकटकले एक चर्चित अभिनेतालाई जेल पुर्याएको छ ।
साम्प्रादायिक घृणालाई प्रश्रय दिने आपत्तिजनक भिडियो पोस्ट गरेको आरोपमा भारतको मुम्बई साइबर पुलिसले विवादित अभिनेता अजाज खानलाई पक्राउ गरेको हो । प्रहरीमा केहि भिडियोसहित ती अभिनेताविरूद्ध उजुरी परेपछि उनलाई पक्राउ गरिएको हो ।
प्रहरी प्रवक्ताले भने, ‘भिडियोमा मुख्यरूपमले धर्मको आधारमा विभिन्न समूहबीच दुश्मनीलाई बढावा दिने आशयले ती भिडियो बनाइएको र अपलोड गरिएको पाइएको छ ।’ अजाजले पोस्ट गरेको सो भिडियो सामाजिक संजालहरूमा भाइरल भएको थियो । उनलाई प्रहरीले बुधबार गिरफ्तार गरेको हो । सो प्रकरणमा हाल जाँच चलिरहेको प्रहरीले जनाएको छ ।
अजाजमाथि भारतीय दण्ड संहिता तथा आईटी अधिनियमका धारा अन्तरगत आरोप तय गरिएको छ । ती धाराहरू अनुसारको दोषी पाइएमा अजाजलाई पाँच वर्षको जेल वा ५ लाख बराबर जरिमानाको सजाय हुनसक्छ । एजेन्सी
