युवक होटेलमा मृत अवस्थामा फेला परे
दाङ । दाङको तुलसीपुर स्थित मानसरोवर होटेलमा एक युवक मृत अवस्थामा फेला परेका छन् ।
प्रहरीका अनुसार बाँकेको कोहलपुर निवासी अन्दाजी २७ वर्षिय रमेश हमाल होटेलको कोठामा झुन्डिएको अवस्थामा फेला परेका हुन् ।
हमाल एक युवतीसँगै राति १० बजेतिर होटेलमा बास बस्न भनि आएको होटेल संचालकले जानकारी दिएका छन् ।
हमालसँगै होटेलमा रुकुमकी एक युवती पनि पुगेको प्रहरीले जानकारी दिएको छ ।
युवतीलाई ईलाका प्रहरी कार्यालय तुलसीपुरले नियन्त्रणमा लिएको छ ।
युवतीले यो भन्दा अगाडि मृतक हमालसँग डिभोर्स गर्ने सर्तमा ५ लाख रुपैंया लगेको भन्ने खुल्न आएको प्रहरीले जानकारी दिएको छ ।
घटनाबारे थप अनुसन्धान जारी रहेको प्रहरीले जनाएको छ ।
