विपीको स्मृति दिवसको अवसरका बाढिपिडितलाई सहयोग
२ साउन, हेटौंडा । नेपाली काँग्रेस मकवानपुरले वर्षाको कारण बाढी पहिरोमा परि ज्यान गुमाएका जिल्लाका ५ परिवारलाई राहतस्वरुप २५ हजारका दरले प्रदान गर्ने निर्णय गरेको छ ।
विहिबार बसेको जिल्ला कार्यसमितिको बैठकले जननायक विपी कोईरालाको ३७ औं स्मृति दिवसको अवसर पारेर मृतकका परिवारलाई जनही २५।२५ हजारका दरले राहत रकम दिने निर्णय गरेको हो ।
बैठकले काँग्रेस मकवानपुरका जिल्ला सदस्य महेन्द्र राउतको पिता तथा काँग्रेस हेटौंडा १ का सचिव बमबहादुर राउतको असामयिक निधनप्रति शोकप्रस्ताव पारित गरेको छ ।
त्यस्तै बैठकले अविरल वर्षा एवं बाढीपहिरोमा परि ज्यान गुमाएकाहरुको परिवारमा समवेदना प्रकट गर्दै सरकारसंग तत्काल राहत उपलब्ध गराउनसमेत माग गरेकाे छ ।
बैठकले विपी कोईरालाको ३७ औं स्मृति दिवसको अवसरमा साताव्यापी कार्यक्रमहरु गर्ने निर्णय समेत गरेको छ ।
साउन ४ गते
पार्टी कार्यालयमा विहान ११ वजे विचार गोष्ठी
साउन ५ गते
३ नम्बर क्षेत्रीय समितिले विहान ८ बजे हेटौंडा अस्पतालका विरामीहरुलाई फलफुल वितरण गर्ने
साउन ६ गते
– विपी विचार समाजको आयोजनामा हेटौंडा ११ मा रहेको वीपी बाटिकामा विहान वृक्षरोपण
– दिउँसो कांग्रेस मकवानपुर र वीपी फाउण्डेशन काठमाडौंको आयोजनामा मध्यान्ह १२ बजे विचार गोष्ठी
साउन ७ गते
विहान ७ः३० बजे नेपाल तरुण दलले बुद्धचोकमा रक्तदान गर्ने
