एसोसिएटको उपाध्यक्षमा चौलागाईं बिजयी
हेटौँडा । मकवानपुर उद्योग वाणिज्य संघको एसोसिएट उपाध्यक्षमा सञ्चार उद्यमी उज्ज्वल चौलागाई निर्वाचित भएका छन ।
शनिबार सम्पन्न मतगणनाको नतीजा अनुसार ४८ मतसहित हेटौंडा एफ एमका संचालक चौलागाई उपाध्यक्षमा निर्वाचित भए । एसोसिएट तर्फको उपाध्यक्षका आकांक्षी विष्णु खनाल ३३ मतसहित पराजित भए ।
एसोसिएटतर्फको सदस्यमा नवराज खतिवडा ६४ मत र अंकिता सुमार्गी ५४ मतसहित विजयी हुँदा ३८ मत प्राप्त गरी पुजन विडारी पराजित भए । एसोसिएटतर्फ ८१ मत खसेको थियो । एसोसिएटमा निर्वाचित उपाध्यक्ष र सदस्य सबै प्रमोद सिंह रानाभाट प्यानलका उम्मेदवार हुन् ।
