मकवानपुरमा हात्तिको आक्रमणबाट माउते घाइते
हेटौंडा । मकवानपुरमा हात्तिको आक्रमणबाट माउते घाइते भएका छन् । मकवानपुरको मनहरी गाउँपालिका वडा नम्बर–६ स्थित पर्सा राष्ट्रिय निकुञ्जको सुरक्षार्थ नेपाली सेनाको सबुज गणको पोस्टमा पालेको हात्तीको आक्रमणबाट माउते घाइते भएका छन् ।
घाइते हुनेमा माउते सर्लाही हरिपुर नगरपालिका–९ बस्ने २५ वर्षीय मनिष चौधरी रहेको बागमती प्रदेश प्रहरी कार्यालय हेटौंडाले जनाएको छ ।
प्रहरीका अनुसार, बुधवार दिउँसो हात्तीलाई दाना पानी खुवाउने क्रममा अचानक हात्तीले सुडले हानी माउते चौधरीको शरीर र कानमा चोट लागेको हो ।
घाइते माउतेको चितवन पुरानो मेडिकल कलेज भरतपुरमा उपचार भइरहेको र आक्रमण गर्ने हात्तीलाई सोही स्थानमा बाँधेर राखिएको जनाइएको छ ।
