नेपाल प्रहरीका ८ जना एसएसपीलाई डीआईजीमा बढुवा गर्न सिफारिस

काठमाडौं । नेपाल प्रहरीका ८ जना प्रहरी वरिष्ठ उपरीक्षक (एसएसपी) प्रहरी नायब महानिरीक्षक (डीआईजी) मा बढुवाका लागि सिफारिस भएका छन् । गृह मन्त्रालयको बढुवा समितिको सचिवालयले बढुवा सिफारिसको सूची प्रकाशित गरेको हो ।

गृह मन्त्रालयको बढुवा सिफारिस समितिको आइतबार बसेको बैठकले बढुवा गर्न सिफारिस गरेको हो । डिआइजी बढुवामा सिफारिस हुने एसएसपीहरूमा ध्रुबराज राउत, भोलाबहादुर रावल, गणेश चन्द, सिद्धिबिक्रम शाह, सुशिलसिंह राठौर, उमाप्रसाद चतुरबेदी, हिमालयकुमार श्रेष्ठ र डम्बरबहादुर विक छन् ।