मकवानपुरकाे एसपीमा विश्व खड्का र डिएसपीमा अर्याल आउने
हेटौंडा । प्रहरी प्रधान कार्यालयले जिल्ला प्रहरी कार्यालय मकवानपुरका प्रहरी उपरिक्षक सिताराम रिजाल र प्रहरी नायब उपरिक्षक लक्ष्मी भण्डारीको सरुवा गरेको छ । प्रहरी प्रधान कार्यालयको सरुवा निर्णय सार्वजनिक गरिसकेको छ । एकै पटक एसपी रिजाल र डिएसपी भण्डारीको सरुवा भएको हो ।
प्रहरी उपरिक्षक रिजालको नेपाल प्रहरी विशेष सुरक्षा गढ जनकपुर धनुसामा सरुवा भएको छ । मकवानपुरमा भने प्रहरी प्रमुखको रुपमा एसपी विश्व खड्का आउने भएका छन् । काठमाडौं उपत्यका ट्राफिक कार्यालयमा कार्यरत उनलाई मकवानपुर प्रहरी प्रमुखको जिम्मेवारी दिइएको हो ।
डिएसपीमा श्याम अर्याल आउने भएका छन् । नेपाल प्रहरी विशेष सुरक्षा गण तनहुँमा कार्यरत अर्याललाई मकवानपुर सरुवा गरिएको हो ।
