हेटौँडाबाट ९ जना जुवाडे पक्राउ, ४ लाख ६५ हजार नगद बरामद
हेटौंडा । हेटौँडाबाट ९ जना जुवाडे पक्राउ परेका छन् । उनीहरुबाट प्रहरीले ४ लाख ६५ हजार नगद बरामद गरेको छ । ठुलो रकममा हारजित हुनेगरी तास खेलिरहेको अवस्थामा मकवानपुर प्रहरीले हेटौँडाबाट ९ जनालाई पक्राउ गरेको हो ।
उनिहरुको साथबाट नगद ४ लाख ६५ हजार ३ सय ९० रुपैँया बरामद गरेको जिल्ला प्रहरी कार्यालय मकवानपुरले जनाएको छ । प्रहरीले हेटौँडा–७ स्थित देवि बन टोलमा रहेको गोकुलनाथ पौडेलको घरमा हार जित हुनेगरि तास खेल्ने समूह रहेको भन्दे सूचनाको आधारमा नगद सहित ९ जनालाई पक्राउ गरेको हो ।
