गैँडा मारेकाे मुद्दाका फरार २ जना मकवानपुर प्रहरीद्वारा पक्राउ
हेटौंडा । मकवानपुर प्रहरीले २ फरार प्रतिबादी पक्राउ गरेको छ ।
पक्राउ पर्नेमा चितवन पदमपुर घर भई हेटौडा-१६ हटिया बस्ने ५२ बर्षीय बिष्णु कार्की र ४६ बर्षीय काले बानियाँ रहेका छन् ।
उनीहरूलाई हेटौडा-१६ हटियाबाट शनिबार साँझ पक्राउ गरेको जिल्ला प्रहरी कार्यालय मकवानपुरले जनाएको छ । गैडामारी खाग चोरी लगेको मुद्धामा फरार उनीहरूलाई ईलाका प्रहरी कार्यालय पशुपतिनगरबाट खटिएको टोलिले पक्राउ गरेको थियो ।
पक्राउ परेकाहरूलाई आवश्यक कारबाहीको लागि कसरा सेक्टर चितवन राष्ट्रिय निकुञ्ज पठाएको जनाइएको छ ।
