मकवानपुरमा ७१ केजी गाँजा बाेकेकाे कारसहित एक जना पक्राउ
हेटौंडा । मकवानपुरमा कारमा ७१ केजी गाँजा राखेर निकासी गर्न लाग्दै गर्दा एक जना पक्राउ परेका छन् । पूर्वपश्चिम राजमार्ग अन्तर्गत मनहरी गाउँपालिका वडा नं.९ रजैयाबाट आइतबार बिहान लागुऔषध सहित एक जना पक्राउ परेका छन् ।
ईलाका प्रहरी कार्यालय नेवारपानी मकवानपुरबाट गस्तीमा खटिएको प्रहरी टोलीले बा ६ च १८४७ नम्बरको कारबाट लागुऔषध सहित एक जनालाई पक्राउ गरेको हो ।
पक्राउ पर्नेमा मकवानपुर कैलाश गाउँपालिका वडा नं.१ बस्ने ३५ बर्षीय गणेश थापा रहेका छन् । उनी सवार कारमा रितपुर्वक खानतलासी गर्दा कारको डिक्कीभित्र लुकाई छिपाई राखेको अवस्थामा ७१ किलो ११५ ग्राम लागूऔषध गाँजा फेला जिल्ला प्रहरी कार्यालय मकवानपुरले जनाएको छ ।
उक्त लागूऔषध र कार सहित थापालाई नियन्त्रणमा लिएर थप अनुसन्धान कार्य भईरहेको प्रहरीले जनाएको छ ।
