काँग्रेस भित्रको गुट–उपगुट अन्त्य गर्न सकेमा पार्टी बलियो हुने : देउवा
काठमाण्डौं । नेपाली काँग्रेसका सभापति शेरबहादुर देउवाले पार्टी भित्रको गुट उपगुट अन्त्य गर्न सकेमा मात्र पार्टी बलियो हुने धारण राख्नुभएको छ ।
प्रजातान्त्रिक विचार समाजको ११ औँ राष्ट्रिय महाधिवेशनको उद्घाटन गर्दै पूर्व प्रधानमन्त्री समेत रहेका देउवाले पार्टी भित्र निर्वाचनमा जित्ने र हार्नेबीचका साथीहरु सबैले आ–आफ्ना गल्ती कमजोरी स्वीकार गरेर अघि बढेमा पार्ट बलियो हुने बताउनुभएको हो ।
देउवाले सबै पार्टीको आन्तरिक कारणमात्र नभएर दुई कम्युनिष्ट पार्टी एकीकरण हुँदा पार्टीले निर्वाचनमा पराजय भोगेको हो भन्दै उहाँले मुलुकमा कम्युनिष्ट विचार बोक्नेको जित र प्रजातान्त्रिक विचारधारा बोक्ने दल काँग्रसको हारको जिम्मा प्रजातान्त्रिक विचार समाजले समेत लिनुपर्ने तर्क गर्नुभयो ।
