नाबालिकलाई बलात्कार गरी ढुङ्गाले किचेर हत्या गर्ने हेटौंडाका राई २० बर्षपछि पक्राउ
हेटौंडा / पाँच बर्षीया नाबालिका बलात्कार गरी ढुङ्गाले किचेर हत्या गर्ने मकवानपुरका एक व्यक्तिलाई प्रहरीले २० बर्षपछि पक्राउ गरेको छ । पक्राउ पर्नेमा हेटौंडा उपमहानगरपालिका वडा नं.११ सिमलटार बस्ने ४५ बर्षीय सोम बहादुर राई रहेका छन् ।
जिल्ला प्रहरी कार्यालय मकवानपुरको समन्वयमा बागमती प्रदेश प्रहरी कार्यालय हेटौंडाबाट खटिएको टोलीले राईलाई श्रावण १३ गते शनिबार ललितपुरको गोदावरी नगरपालिका वडा नं.१४ बाट पक्राउ गरिएको बागमती प्रदेश प्रहरी प्रवक्ता एवं प्रहरी बरिष्ठ उपरीक्षक दिपेश रेग्मीले जानकारी दिए ।
उनका अनुसार राईले विंसं.२०६० असोज १८ गते हेटौंडा उपमहानगरपालिका वडा नं.१० स्थित राप्ती खोलामा बलत्कार गरी ढुङ्गाले किचेर हत्या गरेका थिए । त्यसको भोली पल्ट नाबालिका मृत अवस्थामा फेला परेपछि प्रहरीले अनुसन्धान सुरु गरेको थियो ।
राईलाई जिल्ला अदालत मकवापनुरबाट ६ दिनको म्याद गरी जिल्ला प्रहरी कार्यालय मकवानपुरबाट अनुसन्धान प्रक्रिया अगाडी बढाईएको प्रवक्ता रेग्मीले बताए ।
