क्लब एलओडीका अर्का सञ्चालक रुदिल पनि पक्राउ
काठमाडौं । काठमाडौं ठमेलस्थित नाइट क्लब एलओडी (लर्ड अफ ड्रिंक्स)का सञ्चालक रुदिल बल्ल श्रेष्ठ पनि पक्राउ परेका छन् । क्लबमा उमेर नपुगेका व्यक्तिलाई प्रवेश गराएको आरोपमा उनी पक्राउ परेका हुन् ।
एलओडीमा गएकी एक १६ वर्षकी बालिका बलात्कृत भएको सार्वजनिक भएपछि सञ्चालक श्रेष्ठलाई आज शुक्रबार बिहान कुपण्डोलबाट पक्राउ गरेको जिल्ला प्रहरी परिसर ललितपुरका एसएसपी शिद्धिबिक्रम शाहले जानकारी दिए ।
यही मुद्दाका अर्का सञ्चालक राजु सिंह सुवाललाई प्रहरीले हिजो नै पक्राउ गरिसकेको थियो । अन्य सञ्चालक भने फरार छन् ।
