हेटौंडामा अवैध सुनसहित एक युवा पक्राउ
हेटौंडा । मकवानपुरको हेटौंडा उपमहानगरपालिका वडा नम्बर १५ बाट प्रहरीले अवैध सुनसहित एक जनालाई पक्राउ गरेको छ ।
पक्राउ पर्नेमा बारा जितपुरसिमरा उपमहानगरपालिका वडा नम्बर ७ बस्ने ३३ बर्षीय सन्तोष शाह सुनार रहेका छन् ।
आज बिहान काठमाडौंबाट वीरगंजतर्फ जाँदै गरेको बा.प्र. ०३ -००१ ख १८०३ नम्बरको यात्रु बहाक बसलाई रोकी चेकजाँच गर्ने क्रममा बसमा सवार सुनारलाई ३ वटा ब्रासलेट अर्थात १७५ ग्राम सुन सहित पक्राउ गरिएको जिल्ला प्रहरी कार्यालय मकवानपुरका प्रहरी प्रवक्ता डिएसपी टेक बहादुर कार्कीले बताए ।
उनलाई नियन्त्रणमा लिएर थप अनुसन्धान कार्य भइरहेको उनले बताए ।
