मकवानपुरबाट गाँजा बोकेर गएको ट्रक बारा प्रहरी नियन्त्रणमा
हेटौंडा । मकवानपुरबाट गाँजा बोकेर गएको एक ट्रक बारा प्रहरीले नियन्त्रणमा लिएको छ । बाराको जितपुर सिमरा उपमहानगरपालिका-७ बाट प्रहरीले गाँजासहित ट्रक नियन्त्रणमा लिएको हो ।
मकवानपुरबाट वीरगन्जतर्फ जाँदै गरेको भारतीय नम्बरको बिआर-२५ जिए १४५८ नम्बरको ट्रक पार्किङ गरेर राखेको अवस्थामा जाँच गर्दा २ सय ६२ केजी गाँजा बरामद गरिएको बाराका प्रहरी उपरीक्षक होबिन्द्र बोगटीले जानकारी दिए ।
वीरगन्ज भन्सारबाट खाली नेपालतर्फ आएको ट्रक मकवानपुरबाट फर्कदा छतभन्दा तलको भागमा बनाएको फल्स बटनमा गाँजा ल्याएको पाइएको प्रहरीको भनाई छ । ट्रक चालक र धनीको खोजि भईरहेको प्रहरीले जनाएको छ ।
