हेटौंडामा सिस्नुपानी नेपालको हास्यव्यङ्ग्य देउसी
हेटौंडा । सिस्नुपानी नेपाल मकवानपुरको आयोजनामा आज हेटौंडामा हास्यव्यङ्ग्य देउसी भैलो कार्यक्रम गरिएको छ । बिशेषगरी आउँदो मंसिर ४ गतेको चुनाव, दलका नेता र राजनीतिक दलहरुलाई व्यङ्ग्य गरेर देउसी कार्यक्रम गरिएको थियो ।
अहिले मुलुकको अवस्था, कर्मचारी तन्त्र, पुरुषले महिला माथी गर्ने थिचोमिचो लगायतका क्षेत्रमा धेरै रमाइला प्रस्तुतीहरु गरिएको थियो । सबैजसो क्षेत्रलाई घोचपेच गर्दै देउसी कार्यक्रम, खैजेडी भजन, गायन लगायतका प्रस्तुतीहरु गरिएको थियो ।
कार्यक्रमको उद्घाटन् मकवानपुरका वरिष्ठ साहित्यकार आरसी रिजालले गर्नुभयो । उहाँले उद्घाट्न गर्ने बित्तिकै संख फुकेपछी सबै चकित परेका थिए । त्यसपछी उहाँले बोल्नेक्रममा गरेको घोचपेचले कार्यक्रम भव्य रुपमा सुरुवात भएको थियो ।
सिस्नुपानी नेपाल मकवानपुरका अध्यक्ष राजकुमार लामिछानेको अध्यक्षतामा भएको कार्यक्रममा गायक आसाकाजी श्रेष्ठ, प्रलय चौलागाई, रचनाकार मिन प्रसाद लामिछाने लगायतकाले कार्यक्रम अवधिभर गददार प्रस्तुती गर्नुभयो ।
कार्यक्रममा चुनु बानियाँ, शान्ति लामिछाने, सुभद्रा हुमागाई, ओमभक्त भण्डारी, स्वस्तिका दाहाल, साुनुभाइ बिक, गहन खतिवडा लगायतकाले आफ्ना प्रस्तुती गरेका थिए । त्यसैगरी कार्यक्रममा ओमभक्त भण्डारी लगायतकाले भजन मार्फत निकै व्यङ्ग्य समेत गरेका थिए । हेटौंडामा सहभागिभएकाहरुलाई कार्यक्रम अवधिभर हसाएर यो कार्यक्रम सकिएको थियो । जनपत्रबाट ।
