गाँजासहित एम्बुलेन्स चालक पक्राउ

सिरहा । प्रहरीले सिरहाबाट एम्बुलेन्सबाट गाँजा बरामद गरेको छ । नियमित चेकजाँचको क्रममा प्रहरीले एम्बुलेन्सको बिरामी राख्ने भागमा पाँच वटा बोरामा लुकाएर राखिएको ९० किलो गाँजा बरामद गरेको हो ।
प्रहरीले गाँजासहित एम्बुलेन्ससहित चालक धनगढीमाई नगरपालिका–९ का २९ वर्षीय सरोज लामालाई पक्राउ गरेको छ । को १ च ७५७७ नम्बरको एम्बुलेन्सबाट गाँजा ९० केजी परिणाममा गाँजा बरामद गरेको इलाका प्रहरी कार्यालय लहानका प्रहरी नायब उपरीक्षक कुमार मैनालीले जानकारी दिए । उनको साथबाट २८ हजार नगदसमेत बरामद गरेको छ ।