हेटाैँडामा चाेर्दै गरिरहेका युवतिकाे टाेली नै पक्राउ
हेटौडा । हेटौंडामा चोरी गर्दै गरेका अवस्थामा एक युवती सहित ४ जना पक्राउ परेका छन्।
शनिबार बिहान हेटौंडा- ५ को पिप्ले स्थित राधाकृष्ण मन्दिर पछाडी रहेको स्थानीय सलमान खानको घरमा चोरी गर्दैै गरेको अवस्थामा एक युवती सहित ४ जनालाई पक्राउ गरिएको मकवानपुरका प्रहरी प्रवक्ता टेकबहादुर कार्कीले बताएका छन्।
दराज फोडेर चोरी गर्दै गरेका अवस्थामा परिवारका सदस्य नियन्त्रणमा लिएर वडा प्रहरी कार्यालयमा खबर गरेका थिए।वडा प्रहरी कार्यालय सानोपोखरामा खटि गएको प्रहरी टोलीले ४ जनालाई नियन्त्रणमा लिएको थियो।
पक्राउ पर्नेमा हेटौंडा-५ की ३४ वर्षीया यमुना लामा र हेटौंडा-५ नै बस्ने १२,१३ र १४ वर्षीय तीन बालकहरु रहेका छन् ।प्रहरीले बालकको नाम खुलाएको छैन।पक्राउ परेका माथि आवश्यक अनुसन्धान भइरहेको जनाएको छ।
