जिम्मेवारी सम्हाल्न काठमाडौं आइपुगे नवनियुक्त भारतीय राजदूत श्रीवास्तव
काठमाडौं। नवनियुक्त भारतीय राजदूत नवीन श्रीवास्तव जिम्मेवारी सम्हाल्न शनिबार काठमाडौं आइपुगेका छन्। विनय मोहन क्वात्रालाई भारतीय विदेश सचिवमा नियुक्त गरेपछि खाली रहेका नेपालका लागि भारतीय राजदूत पदमा श्रीवास्तव नियुक्त भएका थिए।
श्रीवास्तव करियर कूटनीतिज्ञ हुन्।
काठमाडौं आउनुअघि श्रीवास्तव नयाँ दिल्लीमा चीन, जापान, कोरिया, मङ्गोलिया मामिला हेर्ने पूर्वी एसिया डिभिजनको प्रमुखको रूपमा कार्यरत थिए।
उनले पूर्वी लद्दाख सीमा विवादबारे चीनसँग विभिन्न चरणमा कूटनीतिक वार्ता गर्न भारतीय वार्ता टोलीको नेतृत्व पनि गरेका थिए।
