मकवानपुरमा गाँजासहित एक महिला पक्राउ
हेटौंडा । प्रहरी चौकी हात्तीसुडे मकवानपुरबाट खटिएको प्रहरी टोलीले लागूऔषध गाँजा गांजा १ किलो ४०० ग्राम सहित एकजना महिलालाई पक्राउ गरेको छ ।
विशेष सूचनाको आधारमा प्रहरीले शनिवार मकवानपुरको बकैया गाउँपालिका वडा नम्बर ५ कर्मचुलीबाट ३५ बर्षकी फुलमाया भुलुनलाई उक्त परिणामको लागुऔषध गाँजा सहित पक्राउ गरेको हो ।
मकवानपुरको राक्सीराङग गाउँपालिका वडा नम्बर १ स्थायी घर भई हाल बकैया ५ बस्दै आएकी भुलुन बस्दै आएको घरमा जाँच गर्दा निज बस्ने घर भित्र लुकाई छपाई राखेको अबस्थामा उक्त परिणामको गाँजा फेला परेको प्रहरीले जनाएको छ ।
लागूऔषध गाँजा सहित भुलुनलाई नियन्त्रणमा लिई थप अनुसन्धान प्रकृया अगाडी बढाएको प्रहरी निरिक्षक रामचन्द्र घिमिरेले जानकारी दिए ।
