नवाेदय बिद्यालयले विभिन्न कार्यक्रम गरि वातावरण दिवसमा मनाइयाे
हेटाैँडा । ५० औँ विश्व वातावरण दिवसको दिन हेटौंडा–४ मा रहेको नवोदय शिशु सदन अङ्ग्रेजी माध्यमिक विद्यालयमा आइतबार सचेतना मूलक नाटक प्रस्तुत गरी वातावारण सप्ताहा समापन गरेको छ ।
‘विद्यमान परिवेशमा वातावरण प्रदूषण कसरी भइरहेको छ र यसलाई कसरी न्यूनीकरण गर्न सकिन्छ’ भन्ने विषयमा विद्यार्थीहरुले नेपथ्यको धुनको सहायतामार्फत साङ्केतिक रुपमा नाटक प्रस्तुत गरेका थिए । विश्व वातावरण दिवसका दिन वातावरण सम्बन्धी नृत्य तथा गीत विद्यार्थीहरुले प्रस्तुत गरेका थिए ।
वातावरण दिवसको अवसरमा सप्ताहव्यापी कार्यक्रमको आयोजना गरी नवोदय विद्यालयले बस्तीपुर चोक, हटियामा रहेको जनप्रिय उच्च मावि र हेटौंडाको बुद्धचोकमा विविध सांस्कृतिक कार्यक्रम गर्नुको साथै वातावरण सम्बन्धी चित्र बनाएका थिए ।
विश्व वातावरण दिवसको अवसरमा नवोदय विद्यालय कक्षा ४ मा रहेका विद्यार्थीहरुले मानसचोक, सङ्गमचोक, सानोपोखरा र मनकामना चोकमा वातावरण पुलिस कार्यक्रम सञ्चालन गरेको थियो भने आइतबार कक्षा ३ का विद्यार्थीहरुले र्याली निकाल्नुको साथै पशुपति मन्दिर सरसफाई गरेका थिए ।
यस्तै, वातावरण दिवसको अवसरमा भएको मोवाइल फोटोग्राफी प्रतियोगितामा प्रहस्थ खड्का प्रथम, दृष्टि प्रधान द्वितीय र इप्सा लामिछाने तृतीय हुन सफल भएका छन् । प्रतियोगितामा ९६ जना विद्यार्थीले सहभागिता जनाएको थिए ।
नवोदय विद्यालयका सहायक प्रधानाध्यापक दुर्गा प्रसाद भट्टराईको अध्यक्षतामा भएको कार्यक्रममा हेटौंडा उपमहानगरपालिका शिक्षा विकास महाशाखा प्रमुख गंगाधर रिमालको प्रमुख आतिथ्यता रहेको थियो ।
