पत्रकार पन्थीद्वारा लिखित ‘जिरो माइल’ पुस्तकमाथि हेटौंडामा समीक्षा

हेटौंडा । पत्रकार किशोर पन्थीद्वारा लिखित ‘जिरो माइल’ पुस्तकमाथि हेटौंडामा समीक्षा गरिएको छ । मकवानपुरका साहित्यकारहरुको संस्था राउण्ड टेवल गसिपद्वारा पुस्तकमाथि समीक्षा कार्यक्रम आयोजना गरेको हो ।
पुस्तकमाथि अधिवक्ता ऋषि के.बी. र पत्रकार गिरिजा अधिकारीले कृतिमाथिको समालोचनात्मक टिप्पणी गरेका थिए भने प्रमुख अतिथि मकवानपुर बहुमुखी क्याम्पसका क्याम्पस प्रमुख डा. शंकर उपाध्याय, उच्च अदालत पाटन बार एशोसियनका अध्यक्ष शुसील पोखरेल, नेपाल पत्रकार महासंघ बागमती प्रदेश समितिका उपाध्यक्ष रुपेश दुलालले धारणा राखेका थिए । मकवानपुरका अधिवक्ता, प्राध्यापक र सञ्चारकर्मीहरुको उपस्थिति रहेको राउण्ड टेवल गसिपका संयोजक राम अविकासको अध्यक्षतामा भएको थियो ।