एमाले अध्यक्ष ओली हेटौंडा आउँदै
हेटाैँडा। नेकपा एमालेका अध्यक्ष केपी शर्मा ओली यही बैशाख १८ गते हेटौंडा आउने भएका छन् । एमाले मकवानपुरले आयोजना गर्ने आमसभालाई सम्बोधन गर्न अध्यक्ष ओली हेटौंडा आउने भएको एमाले मकवानपुरका अध्यक्ष एकालाल श्रेष्ठले जानकारी दिए ।
पूर्व प्रधानमन्त्री समेत रहेका उनले अन्तराष्ट्रिय श्रमिक दिवसको अवसरमा हेटौंडाको हुप्रचौरमा हुने आमसभालाई सम्बोधन गर्ने कार्यक्रम रहेको एमाले मकवानपुरका अध्यक्ष श्रेष्ठले बताए । उनका अनुसार, आमसभामा मकवानपुरका १० वटै स्थानीय तहबाट एमालेका नेता तथा कार्यकर्ताको सहभागिता हुनेछ ।
