मकवानपुरको बकैया गाउँपालिकामा काँग्रेसले एक्लै चुनाव लड्ने
हेटौंडा । मकवानपुरको बकैया गाउँपालिका कमिटीले गठबन्धनको निर्णय नमान्ने भएको छ ।
आज नेपाली काँग्रेस मकवानपुरको कार्यालयमा पत्रकार सम्मेलन गरि स्थानीय जनताको भावना अनुरुप बकैया गाउँपालिका कमिटीले निर्वाचनमा मित्रवत प्रतिस्पर्धा गर्ने बताएको छ ।
पत्रकार सम्मेलनमा काँग्रेस बकैया गाउँपालिका अध्यक्ष दिलबहादुर भोम्जनले स्थानीय तहको काँग्रेसका नेता तथा कार्यकताको मनोभावना र माग अनुसार मित्रवत प्रतिस्पर्धा गर्ने बताए । पालिकाका १२ वटा वडाका सभापतिहरुको छलफलले यस्तो निर्णय गरिएको भोम्जनले बताए । 
