प्रदेशकै ठूलो बुद्ध मूर्तिकाे हेटाैँडामा गरियाे अनावरण
हेटाैँडा । हेटौँडा उपमहानगरपालिका वडा नम्बर १८ स्थित गुम्बाँडाँडामा बागमती प्रदेशमै सबैभन्दा ठूलाे बुद्धमूर्तिकाे उद्घघाटन गरिएकाे छ ।
एक कराेड ४४ लाख रुपैयाँ लागतमा निर्मित २५ फीट उचाईको ढुङ्गाको बुद्द मूर्ति शनिबार बौद्ध धर्मगुरु लोमसाङ नाङ्गेलले अनावरण गरेका हुन् । । समाजसेवी दुर्गामान शाक्य, सुभाषराज शाक्य, कमलचन्द्र सुमनलगायतको सक्रियतामा बोधी चैत्य बौद्ध स्तुपा मूर्ति निर्माण भएकाे हाे ।
बुद्धमूर्ति निर्माणसँगै गुम्बाडाँडामा धार्मिक पर्यटन बढ्ने वडा अध्यक्ष अनिल बानियाँले विश्वास व्यक्त गरे । कार्यक्रममा मकवानपुरका समाजसेवी एवम् मूर्ति निर्माण ब्यवस्थापन समितिका उपाध्यक्ष ज्योतिरत्न बज्राचार्यले स्वागत मन्तव्य व्यक्त गरेका थिए ।
मूर्ति अनावरण कार्यक्रम कुमार लामाको अध्यक्षतामा भएको हो
