कमल थापा नेतृत्वकाे राप्रपा नेपालले सूर्य चिन्ह लिएर चुनाव लड्ने
हेटौंडा । कमल थापा नेतृत्वको राष्ट्रिय प्रजातन्त्र पार्टी नेपालले सूर्य चिन्ह लिएर स्थानीय तहको निर्वाचनमा जाने भएको छ । नेकपा एमाले र राप्रपा नेपालबीच बुधबार यस्तो सहमति भएको हो ।
सहमति अनुसार राप्रपा नेपालका उम्मेदवारहरुले सूर्य चिन्ह लिएर निर्वाचनमा प्रतिष्पर्धा गर्ने र निर्वाचित भएपछि राप्रपा नेपालमै आवद्ध रहने छन् । देशभर तालमेल सम्भव भएका पालिकाहरुमा तालमेल गरेर उम्मेदवारी दिने सहमतिमा उल्लेख छ ।
राप्रपा नेपालले आफ्ना उम्मेदवार नभएका नेकपा एमालेलाई सघाउने भएको छ । सहमतिमा नेकपा एमाले स्थानीय विकास विभाग प्रमुख देवेन्द्र दाहाल र राप्रपा नेपाल स्थानीय निकाय परिचालन विभागका प्रमुख सुशीलकुमार श्रेष्ठले हस्ताक्षर गरेका छन् ।
