श्रीलंकामा आपतकालीन स्वास्थ्य अवस्था घोषणा
एजेन्सी, कोलम्बो । श्रीलंकामा मंगलबारदेखि आपतकालीन स्वास्थ्य अवस्था घोषणा गरिएको छ ।
औषधीको चरम अभावपछि देशको सरकारी मेडिकल अफिसर्स एसोसिएसन (जीएमओए) को आकस्मिक साधारण समितिको बैठकले यो निर्णय गरेको हो ।
यसअघि आपतकालीन कानुन लागू गर्ने र औषधीको गम्भीर अभावबारे छलफल गर्न समितिको बैठक बसेको थियो ।
बिरामीको जीवन रक्षा गर्न यस्तो घोषणा गरिएको जीएमओएका सचिव डा. सेनाल फर्नान्डोले बताए । सरकारको कमजोर व्यवस्थापनका कारण देशभर औषधीको अभाव देखिएको जीएमओले आरोप लगाएको छ ।
