प्रचण्डले गरे गाेरखामा प्रशासनिक भवन उद्घाटन
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले गोरखाको बारपाक सुलीकोट गाउँपालिकाको नवनिर्मित प्रशासकीय भवनको उद्घाटन गरेका छन् ।
शुक्रबार चितववनको भरतपुर महानगरपालिकाको प्रशासनिक भवन शिलान्यास गरेका प्रचण्डले शनिबार गोरखा पुगेर गाउँपालिकाको नवनिर्मित भवन उद्घाटन गरेका हुन् ।
स्थानीय चुनाव नजिकिएसँगै विभन्न राजनीतिक दलका शीर्ष नेताहरू यतिबेला उद्घाटन तथा शिलान्यासका विभिन्न कार्यक्रम लिएर देश दौडाहामा रहेका छन् ।
स्थानीय चुनावका लागि पार्टीको प्रचार प्रसारसमेत हुने भएपछि नेताहरू यतिबेला उद्घाटन तथा शिलान्यासका कार्यक्रम लिएर गाउँ पस्न थालेका छन् ।
