आज एमाले स्थायी कमिटीको बैठक बस्दै
काठमाडौं । प्रमुख प्रतिपक्षी दल नेकपा (एमाले) को स्थायी कमिटीको पहिलो बैठक आज बस्दैछ । अपराह्न ३ बजे बस्ने बैठकले चुनावलक्षित ठोस योजना तय गर्ने बताइएको छ ।
महाराजगञ्जस्थित रोयल दरबार रेस्ट्रो एन्ड भेन्यूमा बस्ने एमाले प्रचार विभाग उपप्रमुख विष्णु रिजालले जानकारी दिए ।
‘बैठकमा हालै सम्पन्न केन्द्रीय कमिटीको तेस्रो बैठकबाट पारित विषयवस्तुका आधारमा स्थानीय निर्वाचन केन्द्रित ठोस कार्ययोजना बनाएर पार्टी पंक्तिलाई निर्वाचनमा परिचालन गर्ने योजना बनाइनेछ’, रिजालले भने ।
एमाले स्थायी कमिटीमा पदाधिकारीसहित ४५ जना सदस्य छन् ।
