युवक संगठनको केन्द्रिय उपाध्यक्षमा मकवानपुरका ढुंगाना चयन
हेटौंडा । कमल थापाले नेतृत्व गरेको राप्रपा नेपालको भ्रातृ राष्ट्रिय प्रजातान्त्रिक युवक संगठन नेपालको केन्द्रीय उपाध्यक्षमा मकवानपुरका अर्जुन ढुङ्गना चयन भएका छन् ।
काठमाण्डौमा भएको भेलाले हेटौंडा उपमहानगरपालिका वडा नम्बर ८ निवासी ढुंगानालाई केन्द्रिय उपाध्यक्षको जिम्मेवारी दिएको हो ।
राप्रपाबाट अलग भएर राप्रपा नेपालको स्थापना गरेका थापा नेतृत्वको राप्रपा नेपालमा ढुङ्गना सक्रिय कार्यकर्ता हुन् । थापाको साथ नछाड्ने बताउँदै आएका ढुंगाना गणेश थापाका सचिवालय बसेर समेत कार्य गरिसकेका छन् ।
लामो समयदेखि थापाको पक्षमा वकालत गरिरहेका उनी जिल्लामा सबै दल र युवा संगठनसँग मिजासिलो सम्बन्ध राख्ने पात्रका रुपमा परिचित छन् ।
मकवानपुरलाई लोडसेडिङ मुक्त जिल्ला बनाउने दबाब अभियानमा उनी सक्रिय रुपले लागेका थिए ।
